Një aksident me pasojë plagosjen e 10 personave ka ndodhur mëngjesin e së hënës në aksin rrugor Vau i Dejës- Kryebushat. Në aksident janë përfshirë dy automjete, në njërën ndodheshin 6 ushtarakë ndërsa në mjetin tjetër 3 pjesëtare të një familjeje. Policia bën me dije se një nga të plagosurit, 15- vjeçari Suad Hasmekasj i cili ndodhet në spitalin ushtarak në Tiranë është në gjendje kritike për jetën.
Fillimisht policia e Shkodrës e ka mbajtur të fshehur numrin e të aksidentuarve. Por gjithçka u mësua pas vizitës së Ministres së Mbrojtjes Mimi Kodheli në spitalin e Shkodrës e cila ka urdhëruar dërgimin e të plagosurve në Qendrën Universitare të Traumës në Tiranë.
Nuk dihen ende shkaqet e aksidentit por policia po vijon hetimet për zbardhjen e plotë të ngjarjes.
Të plagosurit
Familjarë
Sokol Hasmekaj
Blerina Hasmekaj 47-vjeçarja
Suad Hasmekaj.
6 ushtarakët
Gentian Rrahmani 25 vjeç
Sevahir Mataj 26 vjeç
Sytki Zaganjori 59 vjeç
Genci Leka 26 vjeç
Edmond Zhupa 43 vjec
Pashk Matjashi 53 vjeç.
