Dy të rinj shqiptarë kanë humbur jetën në një aksident tragjik në Itali. Viktimat janë Endrit Cena 30 – vjeç , baba i dy fëmijëve dhe miku i tij, Rudolf Zefi 33 – vjeç.
Dy të rinjtë kanë qenë duke udhëtuar në rrugën Kazilina në zonën e Anajni, kur makina e tyre ka humbur kontrollin. Mjeti ka dalë nga rruga dhe është përplasur me një pemë.
Pamjet e filmuara nga një kamera amatore tregojnë makinën e tipit “Saab 1900” të ndarë në dysh, nga përplasja e fuqishme.
Sipas mediave italiane, vdekja e dy të rinjve ka qenë e menjëhershme.
Nga të dhënat paraprake thuhet se makina ka qenë duke udhëtuar me shpejtesi të madhe dhe se humbja e kontrollit ka ardhur nga një pakujdesi e drejtuesit të saj.
Policia ka mbledhur të gjitha provat dhe pritet të përcaktojë versionin zyrtar të motivit të këtij aksidenti tragjik.
Tv Klan