Policia e Durrësit ka arrestuar drejtuesen e mjetit ku një ditë më parë në autostradën Tiranë-Durrës pranë Sukthit humbi jetën një pasagjere në makinë.
E arrestuara është M.K. 60 vjeçe banuese në Durrës, e cila drejtonte automjetin tip “Lancia”.
Sipas policisë, ajo drejtonte makinën në sens të kundërt të lëvizjes së mjeteve dhe për pasojë u përplas me një kamion. Nga përplasja humbi jetën pasagjerja në makinën e saj, Sh.Ç. 60 vjeçe.
Ndërsa drejtuesi i kamionit, Sh.P 45 vjeç, është proceduar penalisht në gjendje të lirë. /tvklan.al
