4 të plagosur në 2 aksidente gjatë pasdites në Tiranë e Librazhd
Një automjet në të cilin udhëtonin 3 vajza humbi kontrollin pasditen e kësaj të diele, duke u përplasur me bordurën e rrugës. Sipas Policisë së Tiranës, ngjarja ndodhi rreth orës 18:30 në aksin rrugor Tiranë-Durrës.
Në timon ishte një vajzë me iniciale D. G. Si pasojë e aksidentit të lënduara mbetën dy pasagjeret me iniciale I. H. dhe M.H. Ato u dërguan në spital për ndihmë mjekësore dhe janë jashtë rrezikut për jetën.
Autoritetet policore ndodhen në vendngjarje dhe po punojnë për sqarimin e rrethanave të aksidentit.
Po gjatë orëve të pasdites një tjetër aksident i ndodhur në fshatin Qukës, në aksin rrugor Librazhd-Prrenjas, la të plagosur dy persona. Sipas policisë në aksident u përfshinë dy automjete, një makinë që drejtohej nga E.B. dhe një furgon me shofer E.K.
Të plagosur nga kjo ngjarje mbetën dy pasagjerët e furgonit, fatmirësisht jashtë rrezikut për jetën. Edhe në këtë rast puna për zbardhjen e rrethanave të aksidentit vijon./tvklan.al
