Aktorja Florence Pugh në filmin e ri të Netflix



Aktorja Florence Pugh në filmin e ri të Netflix

23:24 03/05/2021

“The Wonder” bazohet në romanin e autores Emma Donoghue

Një ndër aktoret më të suksesshme të Hollivudit, Florence Pugh është përzgjedhur të luajë në filmin e ri psikologjik të platformës Netflix, “The Wonder”, i cili bazohet në librin me të njëjtin emër të autores Emma Donoghue.

Sipas “The Hollywood Reporter”, Pugh do të luajë në rolin e Lib Wright, një infermiere angleze e cila në vitin 1859 udhëton drejt një fshati të vogël në Irlandë. Atje ajo bëhet dëshmitare e një rasti të çuditshëm, kur një vajzë 11-vjeçare arrin të jetojë me muaj të tërë pa ngrënë ushqim. Derisa vajza e quajtur Anna O’Donnell, merr të gjithë  vëmendjen e mediave dhe turistëve, teksa përfundojnë duke ia ndryshuar jetën njëra-tjetrës.

Nuk është hera e parë që një prej romaneve të autores Emma Donoghue shndërrohet në skenë xhirimi. Në vitin 2015, libri i saj “Room” u shndërrua në një prej projekteve më të përfolura dhe të suksesshme filmike, ku pikërisht aktorja Brie Larson mori çmim “Oscar”, në kategorinë “Aktorja më e mirë”.

Filmi “The Wonder” është vetëm një prej projekteve të ardhshme të aktores, Florence Pugh. Së shpejti aktorja pritet të lançojë edhe të tjera filma ku do të luajë.

Klan News







Të ngjashme