Partia Demokratike i është përgjigjur akuzave të Evi Kokalarit, duke mohuar të gjitha deklaratat e saj. Në një deklaratë për mediat, PD i cilëson akuzat e Kokalarit si shpifje dhe do ta padisin për shpifje.

“Një spekulante politike, Evi Kokalari, guxoi sot të përsëriste përpara shqiptarëve shpifjet e Edi Ramës dhe Taulant Ballës ndaj Kryetarit të Partisë Demokratike z. Lulzim Basha. Autoritetet përgjegjëse me kërkesë të vetë Partisë Demokratike hetuan për 2 vite lidhur me shpifjen e Edi Ramës dhe Taulant Ballës, duke provuar në mënyrë ligjore dhe përfundimtare se ato ishin vetëm shpifje.

Ricikimi i të njëjtave shpifje, bëhet për të njëjtin qëllim, atë të mbajtjes në këmbë të regjimit kriminal të Edi Ramës. Për këtë arsye, Partia Demokratike do të padisë nesër penalisht për shpifje znj. Evi Kokalari, e cila mund të paraqitet në gjykatë për të provuar akuzat e rreme me dëshmitarët e saj të rremë Edi Ramën dhe Taulant Ballën”, është kjo deklarata e PD.

Më herët nga Foltorja e Berishës në Durrës, akuzoi Bashën se përjashtimi i ish-kreut të PD është bërë duke e shkëmbyer me mbylljen e dosjes së lobimit në SHBA./tvklan.al

Evi Kokalari: Basha ka shkëmbyer mbylljen e dosjen e tij në SHBA me përjashtimin e Berishës