Ambasadorja Shteteve të Bashkuara të Amerikës, Yuri Kim, ishte në Presidencë këtë të hënë. Ajo paraqiti Letrat Kredenciale tek kreu i shtetit, i cili përmes një postimi në rrjetet sociale shprehet se i ka pranuar ato me kënaqësi.
“I kënaqur të prisja dhe të pranoja Letrat Kredenciale të Ambasadores së re të SHBA, znj.Yuri Kim. SHBA një partner strategjik, i pazëvendësueshëm për Shqipërinë. Së bashku të përballojmë me sukses sfidat që ka vendi. Zoti e bekoftë miqësinë shqiptaro-amerikane”, shkruan Meta, ndërsa bashkëngjitur ka publikuar edhe një video me disa momente nga takimi.
Ambasada e Shteteve të Bashkuara në një deklaratë për shtyp thotë se Kim dhe Meta biseduan mbi miqësinë e gjatë midis SHBA-ve dhe Shqipërisë si dhe përsëritën angazhimin e përbashkët për të vijuar përparimin e saj duke u mbështetur në forcën e marrëdhënies sonë.
Më pas, Kim është takuar me ambasadorin e Bashkimit Europin, Luigi Soreca. Ai i ka uruar mirëseardhjen ambasadores së re të SBA-së, ndërsa thekson se është gati për të nisur punën sëbashku me Shqipërinë për të çuar përpara procesin e integrimit.
“2020 është një viti i rëndësishëm për perspektivën europiane të Shqipërisë”, shkruan Soreca.
Kim mbërriti në Shqipëri javën e kaluar. Ajo është një diplomate karriere, e cila ka punuar mbi sfida kyçe të politikës së jashtme dhe sigurisë kombëtare të SHBA-së në mbarë Europën, Azinë dhe Lindjen e Mesme./tvklan.al
Welcome to the new USA 🇺🇸 Ambassador to #Albania🇦🇱 H.E. Yuri Kim!
— Luigi Soreca🇪🇺 (@LSorecaEU) January 27, 2020
Ready to start working together to continue the fundamental EU-US partnership in Albania, in particular in the context of the country’s #EU🇪🇺 integration process.
2020 is a crucial year for the🇪🇺perspective of🇦🇱. pic.twitter.com/DbCcQn4tvj