Anna Oxa: Unë jam goca e Qazimit nga Kruja




Anna Oxa: Unë jam goca e Qazimit nga Kruja

19:00 20/12/2020

Këngëtarja e famshme me origjinë shqiptare, Anna Oxa ka qenë e ftuar në rubrikën “Tani mund të këndosh” tek E Diela Shqiptare.

Oxa ka thënë se mediat italiane kanë dezinformuar kur kanë shkruar se ajo është mbesa e Enver Hoxhës.

“Unë jam goca e Qazimit nga Kruja”, tha ndër të tjera ajo, duke rikujtuar edhe njëherë deklaratën që ka bërë kur ka ardhur për herë të parë në Shqipëri.

Ardit Gjebrea: Çfarë nuk kemi dëgjuar, që emri yt është Ilirjana, që je mbesa e Enver Hoxhës, cila është Anna e vërtetë?

Anna Oxa: Ti e di që një pjesë e medias në Itali, në vend që të informojnë, dezinformojnë. Sajon histori, sajon farefisin, nuk heton, nuk vëzhgon. Fakti është që unë nuk kam të bëj me aspak me këtë histori. Unë jam goca e Qazimit nga Kruja.

Ardit Gjebrea: Kur ke ardhur për herë të parë në ’96-ën dhe kur ke thënë në skenë “jam goca e Qazimit nga Kruja”, e gjithë publiku uou.

Anna Oxa: Jam prezantuar kështu me historinë e vërtetë.

Ardit Gjebrea: Më kujtohet që kemi ardhur këtu bashkë dhe ke qenë e para femër që je futur në xhaminë e Krujës.

Anna Oxa: Po është e vërtetë, kam qenë femra e parë që kam hyrë në një xhami, pikërisht këtu ku është historia e familjes sime dhe historia e Shqipërisë. /tvklan.al













Të ngjashme