Ministrja e Jashtme gjermane Annalena Baerbock ka zhvilluar një vizitë në Moskë, ku ka biseduar me homologun e saj Sergei Lavrov për krizën në Ukrainë.

Kushdo që dëshiron të afirmohet në skenën politike ndërkombëtare, herët a vonë do të duhet të kalojë të ashtuquajturin test Lavrov. E për ministren e re gjermane tensioni mund të dallohej qartë në sytë e saj.

Baerbock dhe Lavrov theksuan rëndësinë e marrëdhënieve gjermano-ruse, por pranuan  se ka mjaft ndryshime ndonjëherë themelore të opinioneve. Lidhur me mobilizimin e trupave ruse në kufirin me Ukrainën, Baerbock thotë:

Koha për të shpëtuar negociatat po ikën. Rusia ka përqendruar rreth 100,000 ushtarë në kufirin me Ukrainën “pa asnjë arsye të kuptueshme”. Është e vështirë të mos e marrësh këtë si kërcënim”.

Baerbock i bëri thirrje Rusisë që të përmbahet nga kërcënimet kundër Ukrainës fqinje dhe të ruajë vlerat themelore në Evropë.

Lidhur me garancitë e sigurisë për Perëndimin të kërkuara nga Rusia, Baerbock shprehu gatishmërinë për dialog ndërsa  Lavrov tha se Rusia pret propozime me shkrim nga Perëndimi.

Klan News