Antonio Tajani, kandidat i të djathtës për kryeministër në Itali – TV KLAN

Antonio Tajani, kandidat i të djathtës për kryeministër në Itali

Grupimet politike shpalosin ofertat e fundit para zgjedhjeve
Member of the European People's Party Antonio Tajani delivers a speech during a session marking the election of the new President of the European Parliament in Strasbourg, eastern France, on January 17, 2016. The European Parliament elects a new president today in a vote that promises to be stormy after a coalition aimed at keeping eurosceptics out of power broke down / AFP / FREDERICK FLORIN (Photo credit should read FREDERICK FLORIN/AFP/Getty Images)

Grupimet kryesore politike në Itali po shfrytëzojnë orët e fundit të fushatës elektorale për të shtuar mbështetjen përpara votimit të së dielës. Silvio Berluskoni shpalli publikisht gjatë një emisioni televiziv Antonio Tajanin si kandidatin e qendrës së djathtë për kryeministër.

Kandidimi i Tajanit që aktualisht mban postin e kreut të Parlamentit Europain, shihet si një garanci se Italia nuk do të devijojë nga rruga europiane nëse qendra e djathtë fiton zgjedhjet. Qendra e djathtë e kryesuar nga Silvio Berluskoni është vënë në qendër të kritikave pas bashkëpunimit në koalicion me Mateo Salvinin, liderin e grupimit euroskeptik kundër emigrantëve Lega Nord.

Lëvizja 5 Yjet theu traditën politike, duke prezantuar që para zgjedhjeve kabinetin qeveritar dhe kandidatin për kryeministër Luixhi di Maio. Të gjithë pretendentët për ministra janë emra të rinj në politikë.

Ndërsa qendra e majtë në qeveri publikoi shifra tepër optimiste të rritjes ekonomike. Sipas ministrit të ekonomisë Pier Carlo Padoan, vitin e kaluar ekonomia italiane, e treta më e fuqishmja në Eurozonë u rrit me 1.5%, 0.1% më shumë nga parashikimi, çka përbën edhe rritjen më të lartë prej krizës së 2010-ës. Ekonomia është një nga pikat më me ndikim tek votuesit.

Sondazhet nxjerrin në krye qendrën e djathtë me 37%, atë të majtë me 30% dhe lëvizjen 5 yjet me 27%.

Tv Klan

Kategori
BotaTe funditTë gjitha
0 Komente

Përgjigju

*

*