Këngëtarja Ariana Grande, së fundmi ka informuar fansat se ajo është duke kaluar disa probleme shëndetësore. Për shkak të kësaj gjendjeje, Ariana mund të detyrohet të anulojë koncertet e saj për turneun botëror.
26-vjeçarja përmes disa postimeve, të publikuara në Instagram ka treguar se ka dhimbje të mëdha koke dhe fyti.
“Dhimbjet e mia janë shumë të mëdha dhe e kam shumë të vështirë të marr frymë gjatë shfaqjeve. Unë thjesht nuk e di çfarë po ndodh me trupin tim tani dhe dua ta kuptoj. Po konsultohem me mjekun, por kam frikë, se nuk e kuptoj pse nuk po përmirësohem sepse kanë kaluar mbi tre javë që ndodhem në këtë gjendje. Ndoshta do më duhet të anuloj disa nga koncertet”./tvklan.al
