Vlorë- Policia ka arrestuar provizorisht me qëllim ekstradimi drejt Italisë 59- vjeçarin me inicalet R. B., banues në fshatin Fitore – Vlorë, për veprën penale “Organizatë kriminale i trafikimit të lëndëve narkotike”. 59 -vjeçari ishte shpallur në kërkim ndërkombëtar.

“Në bazë të informacioneve të marra në rrugë operative duke bashkëpunuar ngushtë me qytetarët, Strukturat e Drejtorisë Vendore të Policisë Vlorë dhe Interpol Tirana, kanë bërë kapjen e 59 vjeçarit në fshatin Novoselë të Vlorës duke e vendosur para përgjegjësisë penale si më poshtë: Gjykata e Palermos – Itali në vitin 2009, ka lëshuar Urdhër Arrestin Europian ndaj shtetasit R. B, për veprën penale “Organizatë kriminale e trafikimit të lëndëve narkotike” parashikuar nga neni 110 i Kodit Penal Italian dhe nenet 73, 74 të Dekretit të Presidentit 309/1990”, njofton policia.

Materialet i kaluan Prokurorisë pranë Gjykatës së Shkallës së Parë Vlorë për veprime të mëtejshme./tvklan.al