Policia e Durrësit ka goditur një rast të kultivimit të bimëve narkotike në zonën e Shijakut.
Në pranga ka rënë 58-vjeçari me iniciale B.M., ndërsa në kërkim është shpallur djali i tij P.M. 29 vjeç.
Sipas policisë, at e bir kishin kultivuar kanabis në një zonë të pyllëzuar në fshatin Sallmone të Shijakut.
Gjatë kontrollit në terren, aty u gjetën dhe sekuestruan disa fidanë kanabisi. Uniformat blu kishin marrë informacion në rrugë operative për këtë rast kultivimi.
Materialet i kaluan Prokurorisë së Durrësit për veprën penale “Kultivimi i bimëve narkotike”. /tvklan.al
