Një mësuese në Miami është arrestuar pasi një studente ka folur me drejtorin e shkollës se është abuzuar nga ajo. Jeanette Valle-Tejeda, 41 vjeç, e cila ka qenë në sistemin shkollor të Qarkut Miami-Dade për 20 vjet, po hetohet nga policia ndërkohë që më shumë informacioni për viktima të tjera po dalin në dritë .
Sipas CrimeOnline, mësuesja u arrestua të premten 6 Mars dhe akuzohet për abuzim seksual të paktën tek tre studente të mitura për disa vjet.
Një nga vajzat që ra viktime e këtij abuzimi i ka thënë policisë se ajo ishte abuzuar për herë të parë seksualisht nga Valle-Tejeda në 2009 kur ishte studente në shkollën e mesme Henry H. Filer, Hialeah dhe më pas për katër vjet të tjera ndërkohë që ishte në shkollën e lartë në Westland Hialeah.
Detajet që lidhen me marrëdhëniet e mësueses dhe nxënësve u paraqitën në raportin e arrestimit, ku u zbulua se ato mungonin në orën e mësimit në të njëjtën kohë në 11 ditë dhe thuhet se dolën së bashku.
Raporti gjithashtu tha se mësuesja luante rolin e nënës duke e ndihmuar financiarisht dhe shpesh herë vajza flinte në shtëpinë e Valle-Tejeda.
Një viktimë e dytë i tha policisë se mësuesja e abuzoi atë për tre vjet dhe i kërkoi asaj seks në telefon duke e kujtuar gjithmonë që të fshinte bisedat kur të mbaronin.
Një viktimë e tretë tha se ajo kaloi kohë me Valle-Tejeda në bare dhe restorante kur ishte 17 vjeç, por në shtëpi në e saj nuk shkoi sepse Valle-Tejeda piu shumë.
Detaje të tjera në raportin e policisë përfshinin një prind i cili u ankua për mësuesen që ftonte studentët në shtëpinë e saj në 2018 dhe u jepte alkool.
Të Premten pasdite, Distrikti Shkollor Miami lëshoi deklaratën vijuese në lidhje me mësuesen: Shkollat Publike të Qarkut Miami-Dade janë thellësisht të shqetësuara për akuzat e bëra kundër këtij individi. Sapo pretendimet u shfaqën muajin e kaluar, mësuesja u hoq nga mjedisi i shkollës dhe Policia e Shkollave Miami-Dade nisi një hetim. Distrikti do ta pushojë nga puna dhe ajo do të parandalohet të kërkojë punë në të ardhmen me këtë sistem shkollor. /tvklan.al
