Një vit pasi Parlamenti miratoi përjashtimin nga tatimi mbi vlerën e shtuar të makinave dhe makinerive që përdoren në bujqësi, importuesit dhe fermerët thonë se deri më sot për pjesën e makinerive askush nuk ka përfituar.
Një paqartësi në listën e hartuar për përjashtimet e makinerive në bujqësi nga tatimi mbi vlerën e shtuar, ka bërë që autoritetet doganore dhe tatimore të mos e zbatojnë vendimin.
Ish – ministri i Bujqësisë, sot kryetar i Komisionit Parlamentar të Veprimtarive Prodhuese, tha se dogana ka mbajtur qëndrime të ndryshme për dy raste të njëjta; ka përjashtuar makinat bujqësore por jo makineritë.
Komisioni i la detyrë autoriteteve që të hartojnë dhe njëherë listën e makinerive që përjashtohen nga kjo taksë dhe i njëjti përjashtim të mos ngushtohet vetëm te fermerët por edhe te importuesit.
Tv Klan
