Dy të afërm të viktimës u vranë para një viti
Policia ka shoqëruar 10 persona për atentatin që ndodhi mbrëmë në aksin rrugor Elbasan – Peqin, ku mbeti i vrarë 26-vjeçari Andi Zylyfi.
Hetimet janë fokusuar te pista e hakmarrjes. Mësohet se viktima kishte lidhje familjare me dy personat që kanë mbetur të vrarë në një atentat në Bradashesh të Elbasanit, një vit më parë. Gjatë këtij atentati mbeti i vrarë dhe një shtetas turk.
Në atentatin e mbrëmshëm mbeti i plagosur dhe Ardit Uruçi 23 vjeç, banues në fshatin Përparim të Peqinit.
Ai së bashku me mikun e tij ishin duke udhëtuar me makinë. Mësohet se viktima kishte pak ditë që ishte kthyer në Shqipëri, për festat e fundvitit.
Tv Klan
