Më shumë se gjysma jashtë SHBA dhe Kanadasë
“Avatar 2: Rruga e Ujit” vijon të thyejë rekorde. Filmi tejkaloi shifrën 2 miliardë Dollarë të arkëtimeve globale këtë të dielë.
Regjisori James Cameron e kishte thënë edhe më herët se filmi duhej të arrinte shifrën prej 2 miliardë Dollarësh për të balancuar shpenzimet. Filmi debutoi në fund të Dhjetorit, 13 vjet pasi origjinali “Avatar” u bë një fenomen mbarëbotëror.
Pas 6 fundjavave në kinema, ai renditet si filmi i 6 me fitimet më të larta të të gjitha kohërave. Rreth 1.4 miliardë Dollarë janë fituar nga shitjet e biletave në tregjet ndërkombëtare jashtë Shteteve të Bashkuara dhe Kanadasë.
Disney nuk ka bërë të ditur buxhetin e filmit, por mediat shkuajnë se kushtoi ai paktën rreth 350 milionë Dollarë. Filmi i vitit 2009 mbetet ai me fitimet më të larta në histori me 2.9 miliardë Dollarë të arkëtuara.
Një film i tretë “Avatar”, të cilin regjisori Cameron e ka filmuar tashmë, është planifikuar të dalë në Dhjetor 2024. I katërti dhe i pesti janë planifikuar për Dhjetor 2026 dhe Dhjetor 2028.
Tv Klan
