Avokati i Ndroqit: U sekuestruan prona të trashëguara


Avokati i Ndroqit: U sekuestruan prona të trashëguara

20:00 05/08/2020

“Ora News dhe makina të blera me kredi”

Avokati i Ylli Ndroqit, Alban Qafa, ka akuzuar Prokurorinë e Posaçme Kundër Korrupsionit dhe Krimit të Organizuar se ka kërkuar sekuestrimin e disa pasurive që janë trashëgimi nga familja dhe që nuk janë në pronësi të klientit të tij. Avokati thotë se vendimi për sekuestron e pronave të Ylli Ndroqit përmban shumë gafa juridike ndaj dhe ai do apelohet, duke kërkuar lirimin e këtyre pronave.

Alban Qafa theksoi gjithashtu se Televizioni Ora News është blerë me kredi, ashtu si makina e Ylli Ndroqit si dhe disa biznese të tjera.

Gjykata ka vendosur sekuestrimin e 26 pasurive të Ylli Ndroqit, me argumentin se në bazë të ligjit Antimafia, ai nuk arrin t’i justifikojë ato dhe se ka dyshime të forta se janë vënë nga aktivitete të paligjshme siç është edhe trafiku i drogës.

Tv Klan




Të ngjashme