Balluku shpjegon pse nuk e preku pistën avioni i provës në Kukës



Balluku shpjegon pse nuk e preku pistën avioni i provës në Kukës

22:44 05/03/2021

Ministrja e Infrastrukturës dhe Energjisë Belinda Balluku reagimet e shumta rreth uljes provë në aeroportin e Kukësit dhe akuzat se avioni nuk e ka prekur pistën, i konsideron si propagandë politike nga PD. Balluku tha se aeroporti i Kukësit tashmë është një fakt.

“Nëse PD ka marrë këtë lloj roli që të gjykojë nëse avioni duhet të ulet apo mos të ulet, po e njoftoj edhe PD-në edhe të gjithë ata që paskan ekspertizë në aviacion e nuk qenkemi në dijeni që është bërë test fluturimi për procedurën e ulje-ngritjeve dhe testi i fluturimit për ulje-ngritje nuk domethënë të prekë pistën. Domethënë procedura  është se nga cili krah i pistës do të ulet, ku janë rrymat e ajrit, se si do të ndodhë ulja dhe me cilën qendër do të jetë në kontakt dhe çështja të tjera teknike. Kjo është çështje shumë teknike, por të gjithë janë të lirë të thonë çfarë të duan. Kjo procedurë ka qenë e suksseshme,” tha Balluku në një intervistë të dhënë për Klan News.

Ajo shtoi se aeroporti është në përfundim të ndërtimit dhe për pak ditë do të nis faza e certifikimit dhe do të ketë një fluturim gjatë muajit Prill.

Klan News







Të ngjashme