Barcelona është shpallur për herë të pestë kampione e Europës. Skuadra katalanase ka mundur Juventus me rezultatin 3 – 1 në finalen e zhvilluar në Berlin.
Barcelona në këtë mënyrë ka arritur të marrë 3 trofe brenda të njëjtit sezon ashtu si në vitin 2009. Ivan Rakitic ka shënuar pas 4 minutash lojë falë pasimit të Andres Iniesta që luajti finalen e katërt të tij në Champions. Ky ështe edhe goli i katërt më i shpejtë në finalen e Champions League.
Giggi Buffon ka qenë në disa raste shpëtimtar duke mos lejuar të tjerë gola. Lojtarët e ekipit italian janë përpjekur, por pa rrezikuar seriozisht portën e Ter Stegen. Reagimi i Juventus ka qenë në minutën e 55’. Alvaro Morata ka mundur mbrojtjen e Barcelona duke barazuar rezultatin. Goli ka zgjuar lojtërt e Juventus që kanë rrezikuar përsëri portën katalanase. Por ka qenë Barcelona që ka shënuar në miutën e 68’ me Luis Suarez që ka përmbyllur një kundërsulm.
Pak minuta më vonë Neymar ka shënuar, por duke prekur topin me dorë, një gol i anuluar nga arbitri Çakir. Në këtë takim ka patur dhe disa minuta për Xavi Hernandez që ka zhvilluar ndeshjen e fundit me Barcelona dhe të 151 në Champions League.
Në çastet e fundit Ter Stegen ka shpëtuar portën katalanase nga goli i barazimit, por Nyemar ka troditur Juventus duke realizuar golin e tretë. Finalen e këtij aktiviteti emocionues e keni ndjekur direkt në Klan dhe Klan HD.
Tv Klan
