Ndërkombëtarëve të cilët që prej protestës së 16 Shkurtit kanë dënuar jo vetëm dhunën në protestat e opozitës, por edhe vendimin për djegien e mandateve të deputetëve, Lulzim Basha iu përgjigj sërish, kësaj radhe në krah të studentëve, në vijim të turit të takimeve në Durrës.

“

Kjo është beteja me europiane që bëjmë ne, në Shqipëri rruga e Europës ka një pengesë ai është Rama dhe pakti tij me krimin.

”

Në shënjestër të akuzave për lidhje me krimin vuri edhe kryebashkiakun Vangjush Dako, që sipas kryedemokratit është faktuar në përgjimet e prokurorisë në Dosjen 339.

“

Dako e ka vendin në burg sepse ajo dosje që i ka kushtuar karrigen Xhafës dhe kushdo sa e sa të tjerëve është prova ligjore se si ky njeri, bashkëpunëtori më i afërt i Ramës, bankomati Ramës dhe është zbuluar nga përgjimet zyrtare si njeriu qe i vuri kazmën votës se Durrësit.”

Pa ironizuar nuk la as deputetët e opozitës së re që zunë vendet e lëna bosh pas djegies së mandateve.

Kreu i opozitës i ftoi studentët në bëhen pjesë e paktit kombëtar, përmes të cilit tha se do të marrin zgjidhje kërkesat e tyre, mes të cilave edhe anulimi i ligjit për arsimin e lartë.

Tv  Klan