Basha: Qeveria tranzitore, jo koalicion PS-PD – TV KLAN

Basha: Qeveria tranzitore, jo koalicion PS-PD

Opozita prezanton platformën për zgjedhje të lira

Opozita e Bashkuar ka prezantuar detyrat e qeverisë tranzitore që ajo propozon për organizimin e zgjedhjeve të lira e të ndershme. Dhjetë (10) ishin detyrat që do të ketë sipas demokratëve kjo qeveri, të cilat i paraqiti para medias dhe shoqërisë civile.

Platforma e opozitës parashikon goditjen ndaj çdo strukture politike dhe kriminale që përfshihen në shitblerjen e votës, ndalimin e presionit qeveritar mbi drejtësinë për t’i hapur rrugë hetimit të krimit dhe pushtetarëve për manipulimin e zgjedhjeve.

Basha tha se qeveria tranzitore nuk do të jetë një koalicion mes PS dhe PD. Ai theksoi se krijimi i saj kërkon uljen në negociata me Partinë Socialiste, por me kushtin që Rama të mos jetë Kryeministër.

“Më lejoni të jem i qartë se çfarë nuk do të jetë koalicion i madh mes opozitës dhe PS, do të jetë një qeveri provizore tranzitore me personalitete jashtë konfliktit të interesit që kërkon vullnet dhe mbështetje politike”.

Për Bashën, përmbushja e këtyre 10 detyrave nga qeveria tranzitore do të kërkojë disa muaj kohë duke mos saktësuar se sa do të jetë mandati.

Për kreun e PD-së, krijimi i një qeverie tranzitore dhe zbatimi i platformës do të mund të nxirrte vendin nga kolapsi institucional dhe ekonomik. Sipas Bashës, e vetmja mënyrë për t’u përballur me këtë qeveria është mosbindja civile. Sot Partia Demokratike do të bllokojë akset rrugore në 12 qarqe të vendit, duke u bërë thirrje qytetarëve t’i bashkohen aksionit të saj.

Tv Klan

Kategori
Lajmet KryesorePolitikaTe funditTë gjithaVideo
1 Koment
  • ANDONI KOKA
    2 Maj 2019 at 14:22
    Përgjigju

    ZOTI BASHA TI NUK JE I BESUAR I ASKUJT NE SHQIPERI
    TY NUK TE BESON AS FAMILJA JIOTE ! JIO ME TE TE BESOJNE
    SHQIPTARET ! TI JIE HAJDUTI ME IMADH NE SHQIPERI !
    NE JIMI TE BINDUR QE GRABITJET E TUA KUDO NE SHQIPERI
    DO TE VERTETOHEN ! TI JIE ORGANIZATORI I TE GJITHA
    GRABITJIEVE ME ARME NE TRASFERTAT E VALUTAVE !VETEM NGELET QE
    ORGANET TA VERTETOJNE ,
    TY KURREN E KURRES VOTE NUK TE JIAP POPULLI
    SHQIPTAR PA I HIP MONIKES LAIV! ! !

  • Përgjigju

    *

    *





    Emisione