Basha uron Kurtin dhe Osmanin: I lumtur të bashkëpunoj me qeverinë e re të Kosovës



Basha uron Kurtin dhe Osmanin: I lumtur të bashkëpunoj me qeverinë e re të Kosovës

09:04 15/02/2021

I pari që ka uruar liderin e Vetëvendosjes, Alib Kurtin dhe Vjosa Osmanin për fitoren e zgjedhjeve në politikën shqiptare ka qenë Lulzim Basha. Kreu i demokratëve përmes një postimi në rrjetet sociale tha se është i bindur që partia fituese e zgjedhjeve, por edhe ato të tjera do të mund të adresojnë dhe të zgjidhin sa më mirë sfidat me të cilat përballet Kosova.

“Urime VV, Albin Kurtit dhe Vjosa Osmanit për fitoren e zgjedhjeve. Kosova ka sfida të mëdha përpara. Jam i bindur se partia fituese e zgjedhjeve dhe partitë e tjera do të arrijnë ti adresojnë dhe zgjidhin ato në të mirë të qytetarëve të Kosovës”, tha Kurti.

Më tej, kryedemokrati thotë se do të jetë i lumtur të bashkëpunojë ngushtësisht me qeverinë e re të Kosovës.

“Do të jem i lumtur të bashkëpunoj ngushtësisht me qeverinë e re të Kosovës, si sa i përket proceseve të integrimit euroatlantik dhe vijimit të njohjeve ndërkombëtare, ashtu dhe për zhvillimin ekonomik të të dy vendeve tona. Përgëzime nga zemra qytetarëve të Kosovës, institucioneve dhe partive politike për një proces zgjedhor shembullor me standarde europiane, model demokracie për mbarë rajonin”./tvklan.al







Të ngjashme