Shërbimi për Çështjet e Brendshme dhe Ankesat (SHÇBA) në Ministrinë e Brendshme dhe Inspektoriati Policor i Kosovës ranë dakord për të miratuar një protokoll të përbashkët pune.
2 agjencitë homologe do të kryejnë inspektime të përbashkëta në njësitë e patrullimit të përbashkëta policore, për të siguruar një shërbim policor sa më të përgjegjshëm e transparent ndaj qytetarëve.
Një delegacion i lartë i Inspektoratit Policor të Kosovës u prit sot në një takim nga Drejtorja e SHÇBA-së, Anila Trimi dhe drejtues të shërbimit.
Palët diskutuan gjithashtu mbi shkëmbimin e eksperiencave për hetime pro-aktive dhe shkëmbimin e praktiktave më të mira hetimore.
Inspektoriati i Kosovës shfaqi interes për procesin e Vetting-ut, të ndërrmarrë nga Ministria e Brendshme, objekt i të cilit janë Policia, SHÇBA dhe Garda, me fokus promovimin e pjesës së shëndoshë së këtyre strukturave./tvklan.al
