Bashkia e Tiranës hap garën për Teatrin Kombëtar


Bashkia e Tiranës hap garën për Teatrin Kombëtar

16:20 06/07/2020

Projekti i ri do të kushtojë 500 mijë Euro

Bashkia e Tiranës ka hapur garën për hartimin e një projekti të ri për ndërtimin e Teatrit Kombëtar.

Sipas dokumenteve të dorëzuara në Agjencinë e Prokurimit Publik, kompania e cila do të shpallet fituese në këtë procedure, duhet të hartojë një studim dhe projektim të një vepre bashkëkohore e cila do të ketë të gjithë parametrat teknikë dhe funksionalë të teatrove modernë.

“Në arkitekturën e godinës së teatrit duhet të pasqyrohet jo vetëm koncepti bazë i të projektuarit sipas standardeve por edhe kërkesat urbanistike-arkitektonike të vendit tonë si dhe arkitektura me materialet bashkëkohore”.

Ofertat priten deri më 14 Korrik dhe pas shpalljes së fituesit, kompania duhet të dorëzojë brenda 5 muajsh projektin e teatrit.

Fondi i përcaktuar për dizejnimin e projektit është 500 mijë Euro, miratimi i të cilit është bërë më datën 1 Qershor të këtij viti nga Këshilli Bashkiak.

Ky vendim mbylli dhe garën e hapur vitin e shkuar, ku kërkohej kompania e cila do të bënte zbatimin e projektit, pas tërheqjes së qeverisë nga projekti që nisi në partneritetit publik-privat me kompaninë Fusha.  

Pas shembjes së Teatrit Kombëtar, u vendos që të bëhej një projekt i ri, jo ai me autor arkitektin danez Bjarke Ingels, i prezantuar më parë nga Kryeministri Rama.

Tv Klan




Të ngjashme