Kampionët i tregojnë “dhëmbët” rivalëve, Mane debuton me gol në Bundesligë
Bayern Munich e ka nisur me këmbën e mbarë mbrojtjen e titullit në Bundesligën gjermane. Gjiganti bavarez fitoi me shifrat tenistike, 6-1 në transfertën e Eintracht Frankfurt për të koleksionuar kështu fitore e parë në sezonin e ri të kampionatit.
Largimi i Robert Leëëandoëski tregoi edhe njëherë se bavarezët nuk janë dobësuar aspak, madje kanë shtuar më shumë cilësitë në repartin e avancuar, pasi ndaj Eintrakt shënuan thuajse të gjithë. Një sfidë e vulosur që në pjesën e parë, me Bayern që realizoi plot 5 herë me autor të ndryshëm.
Kimish, Pavard dhe Mane shënuan në gjysmë orëshin e parë të duelit. Sulmuesi senegalez, i ardhur nga Liverpool në këtë merkato vere shënoi edhe golin e parë në Bundesligë, duke kompletuar një debutim fantastik në elitën e futbollit gjerman. Musjala dhe Gnabri tundën rrjetën kundërshtare, duke vendosur në kasafortë tre pikëshin e parë për Bayern Munich.
Eintrakt u përpoq të reagojë dhe në fakt ia doli për të ngushtuar disi rezultatin, pas golit të 5-1 me autor Kolo Muani. Gjithsesi, Musjala nuk e kishte thënë fjalën e tij të fundit, teksa kompletoi setin e Bayern Munich me golin e dytë në këtë sfidë.
Një start fantastik ky për skuadrën bavareze që merr menjëherë kreun e Bundesligës. Ndërkaq, Eintracht Frankfurt ka nisur të mendojë për Superkupën e Europës ndaj Real Madrid.
Klan News
