Kryeministri i Sllovenisë, Janez Jansha: Nuk do të hapim asnjë korridor
Kryeministri i Sllovenisë, Janez Jansha ka deklaruar se Bashkimi Evropian nuk do të lejojë një valë emigrantësh nga Afganistani.
“BE-ja nuk do të hapë asnjë korridor evropian humanitar ose emigracioni për Afganistanin. Ne nuk do të lejojmë që të përsëritet gabimi strategjik i 2015-ës”, shkroi Jansha në një postim në Twitter.
Skenat e dëshpëruara të njerëzve të kapur pas avionëve që ngrihen nga aeroporti i Kabulit kanë thelluar vetëm ankthin e Evropës mbi një krizë të mundshme nga flukset emigratore.
Aleatët e SHBA dhe NATO po përpiqen të evakuojnë mijëra afganë, të cilët kanë frikë se do të ndëshkohen nga talebanët për bashkëpunimin me forcat perëndimore. Por afganët e tjerë nuk ka gjasa të kenë të njëjtin mirëseardhje.
Kryeministri slloven paralajmëroi masa të fuqizimit të kontrolleve kufitare ndërsa tha se blloku 27-anëtarësh do të pranojë vetëm ata individë të cilët kanë ndihmuar në misionin e NATO -s në Afganistan. Kjo linjë e Bashkimit Evropian është e ndryshme me atë të shefes së Komisionit të BE -së, Ursula von der Leyen e cila më herët ka deklaruar se është një ” detyrë morale “për të ndihmuar ata që ikin nga talebanët.
Disa vende të BE-së po bëjnë thirrje që afganëvë t’u garantohet siguria e plotë në vendet fqinje me Afganistanin para se BE-ja të konsiderojnë marrjen e qytetarëve afganë .
Kancelarja gjermane, Angela Merkel, e cila largohet nga pozita pas zgjedhjeve federale të 26 Shtatorit ka paralajmëruar se nuk duhet të ketë “përsëritje” të krizës së emigrimit si ajo e vitit 2015 ku Gjermania pranoi më shumë sirianë se çdo komb tjetër perëndimor.
Klan News