Pas 9 muajsh do të duhet një dozë përforcuese
Bashkimi Evropian po shqyrton mundësinë e një date skadimi për certifikatat e vaksinave kundër Covid-19. Pasaporta dixhitale e vaksinimit iu dha mundësinë njerëzve në Evropë të udhëtojnë në shtete të ndryshme pa detyrim karantinimin, por tani që situata po përkeqësohet duket se do të ketë një rishqyrtim.
Imuniteti i individëve pas marrjes së të dyjave dozave të vaksinës zgjat përafërsisht 9 muaj e më pas zbehet, prandaj mendohet se është e nevojshme një rishikim mbi vlefshmërinë e certifikatës së vaksinimit.
Humbja e imunitetit dhe mosmarrja e dozave përforcuese të vaksinës ose siç njihen ndryshe dozat e treta, e ka vënë BE në lëvizje për të riparë përditësimin e certifikatave të vaksinimit.
Shkalla e vaksinimit ne Bashkimin Evropian është 67% dhe situata e infektimeve nuk duket aspak e mirë me ardhjen e dimrit.
Mosrespektimi i masave kundër koronavirusit e ka krijuar një situatë të vështirë ku shumë shtete po përballen me shifra rekord infektimesh.
Vendet të cilat deri tani kanë vendosur një afat kohor mbi skadencën e pasaportës së vaksinimit për udhëtimet pa karantinë janë Izraeli, Kroacia dhe Austria.
Tv Klan
