Kur ka mbetur vetëm një javë nga vendimi përfundimtar i vendeve të BE-së për të hapur ose jo negociatat e anëtarësimit me Shqipërinë, ish-Kryeministri Sali Berisha thotë se Gjermania ka vendosur 10 kushte për nisjen e tyre.
“Lajm tronditës!”, shkruan Berisha në një postim në rrjetet sociale: “
Gjermania vendos 10 kushte për hapjen e negociatave me Shqipërinë!
”
Ish-kryeminsitri thotë se “
burime te mirinformuara nga Berlini bëjnë me dije se Bundestagu ka miratuar një dokument që do bëhet publik ditët e ardhshme, në të cilin hidhet poshtë kërkesa e Ramës për hapjen pa kushte të negociatave me Shqipërinë.
”
Ai thotë se për këtë dokument kanë rënë dakord të gjitha grupet në parlamentin gjerman.
“
Dekalogu gjerman i kushteve që duhet të plotësojë Shqipëria para hapjes se negociatave përfshin:
1 -Votimin e reformës zgjedhore
2- Vettingun e të paktën të gjithë gjykatësve dhe prokurorëve të apelit e sipër
3- Ndjekjen penale të të gjithë gjykatësve dhe prokuroreve që gjenden në shkelje të ligjeve gjatë vettingut
4- Ndjekjen penale dhe dënimin për korrupsion dhe trafiqe të zyrtareve të lartë.
5- Zhdukjen e mbjelljes dhe prodhimit të drogës në vend.
6- Luftën me rezultate konkrete të krimit të organizuar, korrupsionit dhe trafiqeve!
7- Ngritjen dhe funksionimin e SPAK
8- Ngritjen dhe funksionimin e Gjykatës Kushtetuese dhe Gjykatës së Lartë!
9- Zbatimin e reformës zgjedhore
10- Funksionimin normal të shtetit ligjor.”
Berisha thotë se çdo njeri që lexon këtë dekalog e ka të qartë si drita e diellit se me “Edvin Kristaq Ramën nuk ka integrim, nuk ka hapje negociatash, por vetëm kushte, dyfishim kushtesh dhe bllokim!”./tvklan
