“Mbi 2100 delegatë kanë publikuar emrat”
Ish-kryeministri Sali Berisha thotë se janë mbi 2100 delegatë që deri tani kanë bërë publik emrat e tyre për mbajtjen e Kuvendit Kombëtar të Partisë Demokratike më 11 dhjetor.
Në një mesazh në rrjetet sociale, Berisha thotë se është e qartë si drita e diellit se përkundër mashtrimeve të Bashës, ky Kuvend është thirrur dhe legjitimuar sipas statutit.
Berisha thotë se ky kuvend do të jetë për rithemelimin e Partisë Demokratike.
Pasditen e kësaj të diel, ish-kryeministri ka njoftuar se do të mbajë një “Foltore” online me mbështetës të tij në Shtetet e Bashkuara të Amerikës.
Tv Klan