Berisha nis lëvizjen e tij në PD


Berisha nis lëvizjen e tij në PD

16:03 14/09/2021

Takimin e parë e zhvillon me demokratët e Tiranës

Ish-Kryeministri Sali Berisha, i përjashtuar nga grupi parlamentar ka paralajmëruar nisjen e një lëvizjeje në radhët e Partisë Demokratike.

Takimin e parë Berisha do ta zhvillojë me demokratët e Tiranës, pasditen e së enjtes, për të vijuar në të gjitha degët e Partisë Demokratike në rrethe.

Sipas Berishës kjo lëvizje e tij ka për qëllim bashkimin, hapjen  dhe ringritjen  e partisë në vlerat demokratike, që sipas tij u shkelmuan në mënyrë antistatutore me vendimarrjen e kryetarit Basha.

Berisha e ka akuzuar Bashën se po vepron për interesat e tij, duke e cilësuar vendimin për shkarkimin e tij pazar me Edi Ramën për interesa personale të kreut të PD-së.

Tv Klan







Të ngjashme