Kjo është biseda e dytë mes dy udhëheqësve politikë pas 7 muajsh
Presidenti kinez Xi Jinping ka marrë një telefonatë nga homologu i tij amerikan Joe Biden dhe të dy udhëheqësit kanë biseduar me njëri-tjetrin mbi marrëdhëniet dypalëshe.
Kjo është vetëm biseda e dytë e tyre pas shtatë muajsh që kur Biden mori detyrën si presidentit në muajin Janar.
Në një deklaratë të lëshuar nga Shtëpia e Bardhë thuhet se dy udhëheqësit kanë folur për të siguruar që konkurrenca mes dy fuqive të mos nuk kthehet në konflikt.
Duke i quajtur lidhjet e SHBA -së dhe Kinës marrëdhënia më e rëndësishme dypalëshe, kreu I shtëpisë tha se SHBA -ja është e gatshme të zhvillojë një dialog të sinqertë dhe konstruktiv me Kinën.
Presidenti amerikan deklaroi se për të çuar marrëdhëniet SHBA –Kinë në rrugën e duhur duhen shmangur të gjitha keqkuptimet, gjykimet e gabuara dhe konfliktet.
Marrëdhëniet SHBA-Kinë janë të tensionuara për një varg çështjesh, përfshirë tregtinë, spiunazhin dhe të drejtat e njeriut.
SHBA-ja kritikon Kinën edhe për mungesë transparence sa i përket origjinës së koronavirusit, për çështjet që lidhen me Tajvanin dhe për mosmarrëveshjet territoriale në Detin e Kinës Jugore.
Të dy presidentët ranë dakord të mbajnë kontakte të vazhdueshme dhe të krijojnë kushte të favorshme për zhvillimin e marrëdhënieve Kinë-SHBA.
Klan Neës