Në intervistën e tij të parë që nga përfundimi i mandatit, ish-Presidenti amerikan Joe Biden për BBC u shpreh se presioni nga administrata Trump mbi Ukrainën për t’ia lëshuar territorin Rusisë është “është një formë e “qetësimit të ditëve të sotme” që nuk do ta kënaqë kurrë Moskën.

Për BBC-në tha se Presidenti rus Vladimir Putin beson se Ukraina është pjesë e “nënës Rusi” dhe “kushdo që mendon se ai do të ndalet është thjesht budalla”.

“Thjesht nuk e kuptoj se si mendojnë njerëzit që nëse lejojmë një diktator, një bandit, të vendosë se do të marrë pjesë të konsiderueshme toke që nuk janë të tijat, kjo do ta kënaqë atë. Nuk e kuptoj plotësisht.”

Ai shprehu gjithashtu shqetësim se “Evropa do të humbasë besimin në sigurinë e Amerikës dhe në udhëheqjen e Amerikës”.

“Udhëheqësit e Evropës po “pyesnin veten, çfarë të bëj tani?… A mund të mbështetem te Shtetet e Bashkuara? A do të jenë atje?.”

Lidhur me Ukrainën, Biden u pyet nëse ai i dha mbështetje të mjaftueshme Kievit për të siguruar që ata të mund të fitonin luftën në vend që thjesht t’i rezistonin pushtimit në shkallë të plotë të Rusisë. Gjatë tre viteve të luftimeve, Shtëpia e Bardhë e tij ndryshoi qëndrimin e saj mbi përdorimin e armëve të furnizuara nga SHBA-ja dhe hoqi disa kufizime me kalimin e kohës.

“Ne u dhamë atyre gjithçka që u nevojitej për të siguruar pavarësinë e tyre dhe ishim të përgatitur të përgjigjeshim, më agresivisht, nëse Putini do të ndërmerrte përsëri veprime.”

Raportet sugjerojnë se propozimet e fundit të SHBA-së për një marrëveshje armëpushimi jo vetëm që përfshijnë njohjen formale të Krimesë si pjesë e Rusisë, por edhe njohjen de facto të kontrollit rus të zonave të tjera të pushtuara në Ukrainë nga SHBA-ja. Biden tha gjithashtu se ka frikë se disa vende në aleancën e NATO-s që kufizohen me Rusinë mund të “thjesht thonë se duhet të bëjmë një marrëveshje” me Putinin nëse Ukraina përfundimisht heq dorë nga toka.

I pyetur në lidhje me trajtimin e administratës aktuale ndaj aleatëve të SHBA-së, ish-presidenti dënoi thirrjet e Trump që SHBA-të synojnë të marrin Kanalin e Panamasë, Groenlandën dhe ta bëjnë Kanadanë shtetin e 51-të.

“Çfarë dreqin po ndodh këtu? Cili president flet ndonjëherë kështu? Ne nuk jemi kështu. Ne jemi për lirinë, demokracinë, mundësitë, jo për konfiskimin.”

Ndër të tjera Biden i cili u tërhoq më pak se katër muaj para zgjedhjeve të nëntorit, dhe kur u pyet nëse duhej të ishte larguar më herët dhe të linte më shumë kohë për të zgjedhur një zëvendësues, ai tha:

“Nuk mendoj se do të kishte pasur rëndësi. Ne u larguam në një kohë kur kishim një kandidat të mirë.”

Kur u pyet për 100 ditët e para të Presidentit Trump në detyrë , të cilat kanë parë një miratim urdhrash ekzekutivë, si dhe shkurtime të gjera në madhësinë dhe shpenzimet e qeverisë federale, Biden përmendi rekordin e tij bëri një kontrast të fortë midis kohës kur ai u largua nga detyra dhe tani ku u shpreh se SHBA-ja ishte në një situatë ku po zgjeronte ndikimin në të gjithë botën në një mënyrë pozitive, duke rritur tregtinë.

Klan News