• Shpërndaje

Pavarësisht gatishmërisë që shprehu në takimin me Presidentin francez në Uashington, Joe Biden nuk ka asnjë plan për t’u takuar së afërmi me Vladimir Putinin.

Këtë e konfirmon edhe zëdhënësi i Këshilltarit të Sigurisë Kombëtare të Shtëpisë së Bardhë Xhon Kirbi, i cili u tha gazetarëve për momentin nuk ka asnjë pikë që mund të sinjalizojë se bisedimet me Moskës do të sjellin fryte.

Të premten, Kremlini e la të hapur mundësinë për bisedime Biden – Putin për gjetjen e një rruge paqësore për zgjidhjen e krizës ukrainase që ka dhënë efektet e saj negative në gjithë Europën.

Megjithatë, Moska theksoi se nuk pranon kushtet e Kievit dhe Perëndimit për tërheqjen e ushtrisë ruse nga Ukraina, duke theksuar se tashmë aleatët perëndimorë duhet të pranojnë se 4 rajonet, Luhansku, Donjecku, Hersoni dhe Zaporizhia janë pjesë e Federatës Ruse që prej 30 Shtatorit, po ashtu edhe Krimeja e aneksuar në 2014. Në këtë pikë kur palët nuk lëkunden nga qëndrimet e tyre, paqja në Ukrainë duket shumë larg.

Tv Klan