Bleona kishte të drejtë! Gratë duhet të ngrijnë vezët, e thonë mjekët

Bleona kishte të drejtë! Gratë duhet të ngrijnë vezët, e thonë mjekët

11:00 08/08/2018

Gratë që nuk kanë planifikuar të bëhen nëna në moshë të re, duhet të ngrijnë vezët e tyre në fillim të të 20-ve. Shumica dërrmuese e grave e bëjnë këtë procedurë rreth moshës 30-vjeçare, por në këtë periudhë kanë shumë më pak shanse për sukses.

Studiuesit thonë me bindje se ngrirja e vezëve duhet të bëhet në moshën 20-vjeçare dhe kjo praktikë është shumë rezultative. Sipas tyre, sa më gjatë që të presin ulen shanset që të krijojnë familje. Kolegji Mbretëror i Obstetërve dhe Gjinekologëve në Britaninë e Madhe theksoi se gratë që bëjnë ngrirjen e vezëve pas moshës 30-vjeçare, përpiqen shumë për të sjellë në jetë një fëmijë.

Studiuesit britanikë janë të shqetësuar për faktin se shumica e grave që kryejnë ngrirjen e vezëve, e bëjnë pas të 30-ve, për shkak se janë mbajtur me shpresa të rreme se kjo procedurë mund të bëhet në moshë të vonë. Mjekët theksojnë se është e rëndësishme që vezët të ngrihen tek të 20-at nëse nuk planifikoni që në një të ardhme të afërt të krijoni familje. Dhe kjo është një metodë e rekomandueshme.

Pak muaj më parë, këngëtarja shqiptare në SHBA, Bleona Qereti publikoi në rrjetet sociale një video ku shfaqej duke ngrirë vezët dhe këshillonte vajzat e reja që të vepronin në këtë mënyrë. Mirëpo, u kritikua së tepërmi nga audienca shqiptare për këtë veprim të saj. Koha tregoi se kishte të drejtë. Mjekët britanikë e rekomandojnë këtë procedurë që të bëhet në moshë të hershme dhe thonë se nuk ka asnjë efekt anësor. Mirëpo, këshillohet që për çdo rast specifik pacienti të konsultohet me mjekun.

Një tjetër këngëtare shqiptare me famë botërore që ka bërë ngrirjen e vezëve është edhe Rita Ora. “Daily Mail” shkruan se 27-vjeçarja ka ngrirë vezët pas rekomandimit të mjekut të saj. “

Gjithmonë kam dashur një familje të madhe dhe doktori më rekomandoi që të ngrija vezët kur isha në të 20-at”,

thotë Rita Ora.

Në rastet e grave që kanë një karrierë të suksesshme dhe janë të përqëndruara në profesion, mjekët britanikë këmbëngulin që të ngrijnë vezët rreth moshës 20-vjeçare. Kështu, në një moshë më të vonshme kur synojnë të kenë fëmijë, atëherë do të kenë më shumë shanse që të mbeten shtatzënë. /

tvklan.al

LAJMET
Të ngjashme

KPT
KPT
UKT