Kryeministri Edi Rama ka reaguar pas përpjekjeve për bllokim nga ana mbështetësve të Partisë Demokratike të akseve hyrëse në qytetin e Shkodrës, ku kryeministri kishte planifikuar takime në kuadër të turit “Bashkia që duam”.
Kreu i qeverisë u shpreh i keqardhur për ata që i quajti “
grupe të vogla të të njerëzve të mbledhur kthesave
”, por tha se edhe ata do e kuptojnë se “
fajin u’a kanë udhëheqësit e verbër
”.
“
Rrugës për Malësi të Madhe. Sinqerisht i keqardhur për grupet e vogla të njerëzve të mbledhur kthesave nga ata që pasi e çuan në qorrsokak PD, orvaten më kot të çojnë në qorrsokak edhe Shqipërinë! Pak nga pak edhe këta njerëz do e kuptojnë se fajin u’a kanë udhëheqësit e verbër
”, tha Rama në një postim në rrjetet sociale.
Rrugës për Malësi të Madhe😊Sinqerisht i keqardhur për grupet e vogla të njerëzve të mbledhur kthesave nga ata që pasi e çuan në qorrsokak pd, orvaten më kot të çojnë në qorrsokak edhe Shqipërinë! Pak nga pak edhe këta njerëz do e kuptojnë se fajin u’a kanë udhëheqësit e verbër👎
— Edi Rama (@ediramaal) April 26, 2019
Mbështetësit e opozitës bllokuan hyrjen në Shkodër nga Ura e Bahçallëkut. Grumbullime pati edhe tek Ura e Spatharit në aksin Shkodër- Mjedë, por pavarësisht protestuesve, eskorta e kryeministrit Rama arriti të futej në Shkodër nga ky aks dhe vijoi rrugën drejt Malësisë së Madhe./tvklan.al
