Kryeministri i Britanisë së Madhe, Boris Johnson, gjatë takimit virtual për G7 ka premtuar vaksina për vendet e varfra. Në fjalën e tij në këtë samit, Johnson u shpreh se të gjitha vaksinat që do të teprojnë nga porositë e kryera nga Britania do të dhurohen për vendet që nuk kanë mundësi të blejnë sasi të mëdha.
Po ashtu ai u kërkoi dhe vendet të tjera që të bëjnë të njëjtën gjë dhe të kenë të gjithë një objektiv të qartë për 100 ditët e ardhshme.
“Shkenca më në fund po merr epërsinë mbi Covid. Në të gjithë botën ne duhet të sigurohemi që të gjithë të marrin vaksinat që u nevojiten, në mënyrë që e gjithë bota të mund pandeminë” tha Johnson.
Më tej ai shtoi se “nuk ka kuptim që ne të vaksinojmë popullatat tona individuale ne duhet të sigurohemi që e gjithë bota është vaksinuar sepse kjo është një pandemi globale dhe nuk është e dobishme që një vend të jetë shumë përpara një tjetri, ne duhet të lëvizim së bashku”.
Britania e Madhe deri tani ka porositur më shumë se 400 milionë doza të vaksinave të ndryshme, dhe mendohet se shumë prej dozave do të mbeten edhe nëse vaksinohet e gjithë popullsia e vendit.
Nga ana tjetër Presidenti francez Emmanuel Macron ka thënë se vendet më të pasura duhet të dërgojnë deri në 4 deri në 5% të furnizimeve të tyre aktuale të vaksinave në vendet e varfra./tvklan.al
