Netanjahu, kundër fundit të luftës në këmbim të pengjeve
Sa më shumë e kundërshton Benjamin Netanjahu, krjimin e një shteti palestinez, aq më shumë po e theksojnë zgjidhjen me dy shtete, partnerët ndërkombëtarë të Izraelit.
I prerë në këtë thirrje ishte shefi i politikës së jashtme të Bashkimit Europian Josep Borrell, në takimin e përmuajshëm të kryediplomatëve të unionit në Bruksel.
Josep Borrell, kreu i Politikës së Jashtme të BE: Mendoj se duhet të reshtim së diskutuari për procesin e paqes. Tani të fillojmë të flasim më konkretisht për procesin e zgjidhjes me dy shtete, sepse për ka shumë mënyra për të arritur paqen.
Deklarata e Borrellit u bë pasi kryeministri izraelit u tregua po ashtu i prerë të Dielën, kur i mbylli derën të njëjtit propozim të bërë më herët edhe nga presidenti Biden. Netanjahu refuzoi edhe propozimin më të fundit të Hamasit për ndalimin e luftës në këmbim të lirimit të pengjeve.
Benjamin Netanyahu: Asgjë nuk e zëvendëson fitoren e plotë me shkatërrimin e Hamasit dhe kthimin e të gjithë pengjeve.
Drejtuesit e Hamasit, në kundërpërgjigje thanë se pengjet nuk do të lirohen kurrë nëse nuk i jepet fund luftës. Këmbëngulja e Netanjahut shkaktoi protesta masive anti-qeveritare në Tel Aviv. Ndërsa familjarët e pengjeve, në shenjë proteste mësynë në komisionet parlamentare duke bllokuar punën.
Tv Klan
