Ministrat e mjedisit dhe udhëheqësit nga më shumë se 150 kombe në të gjithë botën përfunduan një takim dy ditor në internet të Asamblesë së Pestë të Mjedisit të Kombeve të Bashkuara (UNEA-5). Në takim, Asambleja paralajmëroi se bota është në rrezik të pandemive të reja nëse nuk ndryshojmë mënyrën se si ruajmë natyrën.
Asambleja e KB të Mjedisit u takua dy herë për të vendosur përparësitë për politikat globale mjedisore dhe për të zhvilluar ligjin ndërkombëtar të mjedisit.
Kriza mjedisore do të ushqejë pandemitë e së ardhmes
“Zjarret, uraganet, regjistrimet e temperaturave të larta, dridhjet e papara të dimrit, plagët e karkalecave, përmbytjet dhe thatësira, janë bërë aq të zakonshme sa që jo gjithmonë bëjnë titujt kryesorë të gazetave. Ky mot i pafavorshëm dhe dukuritë klimatike janë një zile paralajmëruese që na bën thirrje t’i kushtojmë rëndësi tre krizave planetare që kërcënojnë të ardhmen tonë kolektive: Kriza e klimës, kriza e biodiversitetit dhe natyrës dhe kriza e ndotjes dhe mbeturinave”, tha Presidenti Kenian Uhuru Kenyatta para Asamblesë.
Pandemitë e reja do të përkeqësojnë shqetësimet ekzistuese të shëndetit
Sveinung Rotevatn, President i UNEA-5 dhe Ministri i Norvegjisë për Klimën dhe Mjedisin i bëri jehonë paralajmërimit. “Të gjithë pjesëmarrësit në Asamblenë e Mjedisit sot janë thellësisht të shqetësuar për mënyrën se si pandemia shkakton sfida të reja shëndetësore dhe serioze, socio-ekonomike, mjedisore dhe përkeqëson ato ekzistuese, në të gjithë botën. Ne do të punojmë së bashku për të gjetur zgjidhje që mund të na ndihmojnë të adresojmë ndryshimin e klimës, të mbrojmë biodiversitetin dhe të zvogëlojmë ndotjen, në të njëjtën kohë. /tvklan.al
