Ndërtesa më e madhe e botës, Burj Khalifa është ndriçuar me pamjen e Mbretëreshës Elizabeth dhe flamurit anglez në nder të Madhërisë së Saj.
نضيء #برج_خليفة لنعبّر عن خالص عزائنا ومواساتنا للشعب البريطاني في وفاة الملكة إليزابيث الثانية.#BurjKhalifa
— Burj Khalifa (@BurjKhalifa) September 11, 2022
lights up to extend our deepest condolences for the passing of her Majesty Queen Elizabeth II. pic.twitter.com/m5M0n1Qx1Y
Qiellgërvishtësi 830 metra i lartë tregoi solidaritetin ndaj Mbretërisë së Bashkuar me shfaqjen e portretit të monarkes në qiellin e Lindjes së Mesme.
Ndërkohë, site të tjera ikonike i kushtuan homazh figurës së saj. Në Gjermani, porta e madhe e Bradenburgut u ngjyros nga flamuri anglez në simbol vajtimi. Në SHBA, Empire State Building u ndriçua në ngjyrë të purpurt, e cila është ngjyrë mbretërore, ndërsa në Teatrin e Operës në Sidnei, Australi, u shfaq një foto e Mbretëreshës.
Në Britani, Legoland i uli flamujt në gjysmë shtizë dhe statujëza vajtuesish linin lule në imitimet e Kështjellës Windsor dhe pallatit Buckingham. Një lajmërim në miniaturë për vdekjen e sovranes ishte vendosur në portën e tij.
Parku Legoland u mbyll në ditën e vdekjes së Mbretëreshës dhe do të vijojë të qëndrojë i tillë deri më 19 Shtator./tvklan.al