Ndeshja Spanjë – Gjermani luhet më 27 Nëntor
Senegal – Holandë do të jetë ndeshja hapëse e Kupës së Botës 2022. FIFA nuk veproi si zakonisht për të çelur Botërorin me vendin pritës, duke mos dhënë sqarime për këtë.
Katari si vendi mikpritës i aktivitetit do të luajë me Ekuadorin në një orë më të vonë po më 21 Nëntor. Sfida më tërheqëse e fazës së grupeve Spanjë – Gjermani do të luhet më 27 Nëntor.
Franca kampione në fuqi e turneut do ta nisë përfaqësimin më 22 Nëntor me fituesen e play off Azi – Amerikë e Jugut. Përballje interesante priten në Grupin G ku është Brazili, Zvicra, Serbia dhe Kameruni. Faza e grupeve do të zgjasë deri më 2 Dhjetor.
Më tej kualifikohen 2 vendet e para të secilit grup. Finalja do të zhvillohet më 18 Dhjetor në stadiumin 80 mijë vendësh në Losail.
Tv Klan