Brazili absolut në Kupën e Amerikës

RIO DE JANEIRO, BRAZIL - JUNE 17: : Richarlison of Brazil celebrates after scores his gol with his team mates Neymar ,Emerson ,Renan Lodi and Fred ,during the match between Brazil and Peru as part of Conmebol Copa America Brazil 2021 at Estadio Olimpico Nilton Santos on June 17, 2021 in Rio de Janeiro, Brazil. Photo by MB Media SPO, SOC PUBLICATIONxINxGERxSUIxAUTxONLY Copyright: xMBxMediax



Brazili absolut në Kupën e Amerikës

11:21 24/06/2021

Seleçao mposht Kolumbinë, Casemiro e përmbys në minutën e 100

Brazili vuan më shumë se në dy sfidat e para të “Kupës së Amerikës”, teksa gjendet në disavantazh kundër Kolumbisë, por në fund përmbys gjithçka. Një ndeshje që u duk se nuk kishte fund, por e mbyllur me fitore dhe me pikë të plota në grupin B. Kolumbia kaloi në epërsi pas 10 minutash. Një gol kryevepër: Cuadrado kroson dhe Luis Diaz, ylli i Porto, kryen një gjysmë-roveshiatë të mahnitshme.

Brazili nuk reagon aspak. Gjithë pjesën e parë, Neymar u izolua totalisht nga kundërshtari, me ekipin e Tite që nuk arriti kurrë të godasë brenda kuadratit të Ospina. Diçka më shumë dhe më mirë mund të shihet në pjesën e dytë. Protagonist i Brazilit është gjithmonë Neymar, i cili në minutën e 66-të, i shërbyer nga Firmino, driblon Ospina, por godet shtyllën me një portë të zbrazët.  

Pak minuta më pas, Firminjo gjen barazimin 1-1, me bashkëpunimin e Ospina. Protesta të furishme nga kolumbianët, sepse topi goditi gjyqtarin Pitana përpara se të mbërrinte te Renan Lodi, autori i krosimit. Zemërimi i lojtarëve kolumbian e zgjati ndeshjen përtej minutës së 100-të, që u kurorëzua me një gol magjik të Casemiro. Me këtë fitore Brazili ngjitet në kuotën e 9 pikëve, ndërsa Kolumbia vë në dyshim kualifikimin më tej.

Klan News





Të ngjashme