Brazili refuzon 20 mln euro nga G7

Brazili refuzon 20 mln euro nga G7

12:30 27/08/2019

Akuzon Francën për tentativë kolonizimi të Amazonës

Katastrofa natyrore në Amazonë është kthyer në një përplasje politike. Brazili refuzon ndihmën prej 20 milionë eurosh nga vendet e G7-s, për të përballuar emergjencën e zjarreve në Amazonë.

Shefi i kabinetit të presidentit brazilian Jair Bolsonaro, akuzoi Francën se po tenton të kolonizojë Amazonën, duke anashkaluar sovranitetin e Brazilit mbi 60% të pyllit.

Tensionet mes presidentit francez Macron dhe atij brazilian Bolsonaro kanë prekur kulmin, veçanërisht pas ofendimit të zonjës së parë franceze Brigitte Macron, nga ana e kreut të shtetit brazilian.

Sakaq, 44 mijë trupa ushtarake janë angazhuar prej së dielës në shuarjen e flakëve në Amazonë, me urdhër të presidentit Bolsonaro. Vetëm këtë vit mbi 70 mijë varta zjarri kanë shkrumbuar pyjet e Amazonës, një shifër që përbën rekord historik.

Tv Klan

LAJMET
Të ngjashme

KPT
KPT
UKT