Cannabis në vend antibiotikëve për pulat
08:54 28/06/2022
Cannabis në vend antibiotikëve për pulat në rritje masive. Një grup fermerësh në bashkëpunim me Universitetin Chiang Mai ka realizuar tashmë një eksperiment që nuk është aspak i zakonshëm. Në një pulari, i kanë injektuar 1 mijë pulave pikërisht një dozë cannabis, në mënyra të ndryshme, në formë gjethe, lëngu dhe injektimi, duke zëvendësuar kështu antibiotikët.
Doza e përdorur ishte aq sa duhej, janë shprehur studiuesit, pa ekzagjeruar dhe i përmirësoi imunitetin dhe pa efekte negative në organizëm. Deri tani pulat nuk janë prekur më nga asnjë infeksion. Vendimi për këtë eksperiment u mor pas një epidemie Bronchitis të shpendëve që i kishte infektuar të gjithë, pavarësisht se ishin trajtuar me doza antibiotikësh.
Sipas ekspertëve, që pavarësisht se s’janë ende shumë të qartë mbi arsyet e efekteve pozitive, Cannabisi mund të ketë stimuluar shëndetin dhe imunitetin intestinal, duke përmirësuar gjendjen e përgjithshme dhe përballjen e organizimit me sëmundjet. Megjithatë puna kërkimore është ende në fazën fillestare dhe do të vijojë për konfirmime të tjera.
Klan News
