Çekia njeh certifikatën shqiptare të vaksinës - Tv Klan

Çekia njeh certifikatën shqiptare të vaksinës


Çekia njeh certifikatën shqiptare të vaksinës

16:47 27/10/2021

Prej 27 Tetorit shqiptarët mund të paraqesin test ose vaksinë, nuk kërkohet karantinim

Çekia ka miratuar njohjen e certifikatës digjitale të vaksinës Anti-Covid që lëshohet nga autoritetet shqiptare. Lajmin e dha Ambasada Shqiptare në Pragë.

Po ashtu prej 27 Tetorit ky shtet ka lehtësuar masat për shqiptarët që udhëtojnë atje, do të vazhdojë të kërkohet test Covid-19, por hiqet kërkesa për karantinë.

Po ashtu disa kushte të tjera për të udhëtuar në Çeki janë:

-Personat e pa vaksinuar, pas mbërritjes në Republikën Çeke duhet të kryejnë një test PCR dhe nuk është i nevojshëm izolimi në karantinë.

-Përjashtohen nga testi personat që janë plotësisht të vaksinuar me një nga vaksinat e miratuara nga BE-ja dhe të pajisur me një certifikatë vaksinimi.

-Gjithashtu fëmijët nën 12- vjeç përjashtohen edhe nga testi edhe nga detyrimi për plotësimin e Formularit të Mbërritjes së Pasagjerit.

Prej 25 Tetorit maskat bëhen të detyrueshme në te gjitha mjediset e brendshme, pavarësisht numrit te personave te pranishëm.

Klan News








Të ngjashme