Marrin shërbim pacientët e parë
Spitali Rajonal Memorial i Fierit ka çelur dyert këtë të enjte duke ju ofruar shërbim pacientëve të parë.
Veç konsultave me mjekët shqiptarë dhe turq, në rastet e nevojshme është ofruar dhe shërbimi imazherik për disa pacientë, që janë paraqitur përmes sistemit të referimit nga shërbimi i urgjencës kombëtare.
19 mjekë shqiptarë dhe 7 turq janë vënë në dispozicion të pacientëve dhe premtojnë shërbim cilësore.
57 infermierë dhe 7 teknikë imazherie po ashtu janë pjesë e shërbimit në spitalin Memorial të Fierit. Spitali Memorial i Fierit ka një kapacitet prej 150 shtretërish por ende nuk ka asnjë të shtruar.
Spitali do te të menaxhohet nga staf i përbashkët shqiptaro-turk dhe do të ofrojë shërbimin e urgjencës, kirurgjisë, neurokirurgjisë, kirurgjisë kardio-vaskulare, mjekësisë interne, kardiologjisë, neurologjisë, sëmundjeve infektive, pneumologjisë, shërbimin e ortopedisë dhe traumatologjisë, etj.
Tv Klan
