Ceremonia e stërvitjes në Gardën e Republikës (30 Dhjetor 1999)


Ceremonia e stërvitjes në Gardën e Republikës (30 Dhjetor 1999)

09:46 30/12/1999

Garda e Republikës me rastin e mbylljes së vitit 1999 prezanton disa ushtrime në një ceremoni ushtarake. Në këtë ceremoni merrnin pjesë ministri i Rendit Spartak Poçi, Ambasadori Amerikan Limpreht si dhe Komandanti i Gardës kolonel Arben Çuku. Këto forca kanë mëse dy muaj që përgatiten. Janë parë nga afër sot disa tipe ushtrimesh si ushtrime të qitjes së besimit, veprime trup më trup, sigurimi i personaliteteve.

Për të patur një strukturë sa më efektive Garda e Republikës p ka bashkëpunim me forcat Turke dhe Italiane, në kuadër të specializimeve dhe logjistikë. Ndërkohë kualifikimet vazhdojnë me palën turke. Por sot këta ushtarë të cilët janë oficera dhe nënoficera pranohen në Gardën e Republikës në ndryshim nga ushtarët e thjeshtë sipas disa kritereve.

Sipas ligjit të Gardës duhet të kalojnë disa kushte që janë gjatësia, mosha, inteligjenca e cila përkon me arsimin e mesëm. Të ardhur nga Akademia Skënderbej, këta oficerë mund të vazhdojnë karrierën e tyre duke u mundësuar si shoqërues të personaliteteve. Me të gjitha këto është njohur nga afër Ambasadori Amerikan Liempreht i cili mori pjesë dhe vetë në një ushtrim të përgatitur. Duke veshur për disa minuta rrobat ushtarake, ai u largua të qënurit ambasador./tvklan.al












Të ngjashme