Arrest shtëpie për Fjolla Morinën, burg për 2 miqtë e saj


Arrest shtëpie për Fjolla Morinën, burg për 2 miqtë e saj

14:56 22/09/2020

Kengëtarja gënjeu për shtatzëninë, në kërkim mjeku

Gjykata e Kukësit ka vendosur të lërë në arrest shtëpie këngëtaren Fjolla Morina.

Ajo u paraqit mëngjesin e së martës në gjykatë me pretendimin se është 2-muajshe shtatzënë dhe se nuk mund të qëndrojë në qeli, por alibia e saj është rrëzuar në seancë.

Nga një kontroll në maternitetin e Kukësit, ka rezultuar se Fjolla Morina nuk ishte shtatzënë, pavarësisht se kishte kryer një eko. Dyshohet se ajo ka bashkëpunuar me një mjek në Kukës i cili po kërkohet nga policia pasi nuk u gjet në banesë. Ndaj tij pritet të ngrihet procedim penal.

Në gjykatë, avokatja e Fjolla Morinës ka kërkuar lirimin, me argumentin se njëra nga pistoletat ishte për të trembur kafshët, ndërsa tjetra çakmak, pra nuk ishin armë të mirëfillta.

Dy personat e tjerë që ishin bashkë me këngëtaren janë lënë në qeli nga Gjykata e Kukësit.

Këngëtarja nga Kosova u ndalua pak ditë më parë në pikën kufitare të Morinës, teksa drejtonte makinën dhe gjatë kontrollit të ushtruar brenda një çante iu gjetën dy pistoleta, ku vetëm njëra prej tyre rezultoi false.

Tv Klan



Të ngjashme