Vetëm 4 ekipe në Premier League kanë aktivizuar lojtarët vendas në mbi 50% të kohës në sfidat në kampionat
Chelsea është skuadra që ka aktivizuar më shumë minuta futbollistët e huaj në Premier Ligë këtë sezon. Ndërkohë që disa prej talenteve vendas kanë vuajtur që të mund të gjejnë hapësirë.
Pas analizës së kryer nga observatori i futbollit CIES, rezultoi se “blutë” e Londrës kanë aktivizuar lojtarët e huaj në 87% të kohës që ata kanë garuar në kampionat këtë sezon.
Në vend të dytë është ekipi i Uolverhemptonit me 82%, e pas tyre vjen Manchester City me 78%.
Vetëm 4 ekipe në Premier Ligë nga 20 kanë aktivizuar futbollistë vendas në mbi 50% të kohës në takimet në Premier Ligë, Bërnlej, Aston Villa, Southempton dhe Newcastle.
Shifrat vijnë pas përfundimit të grumbullimit të kombëtares, ku trajneri i Anglisë Gareth Southgate ka qenë i detyruar që të thërrasë futbollistë, të cilët aktualisht kanë pasur probleme me akvitizimet me klubet e tyre.
Klan News
