Një studim ka zbuluar se çfarë përmbajnë ëndrrat seksuale tek femrat dhe tek meshkujt. Në këtë studim ku kanë marrë pjesë 1 mijë gra dhe 1 mijë burra, është zbuluar se gjëja më e zakonshme për femrat janë ëndrrat seksuale me dikë të afërt, për shembull me një mik.
Por tek meshkujt ndodh totalisht e kundërta. Ëndrrat seksuale që burrat shikojnë më shpesh është marrëdhënia me ish-partneret.
Megjithatë, duhet të keni parasysh se ëndrrat erotike nuk duhen marrë shumë seriozisht, pasi nuk është e thënë se ju dëshironi që ato të ndodhin.
Nga analiza e studimit del se ¾ e femrave ëndërronin për mikun e tyre më të mirë, ndërsa 68% për të patur marrëdhënie me një koleg pune.
62% e grave thanë se kishin mendime për të patur marrëdhënie me një person të panjohur, dhe vetëm 58% kishin ëndrra seksuale me partnerin e tyre.
Sa u përket meshkujve, 92% e tyre ëndërronin për të patur marrëdhënie seksuale me ish-partneret e tyre. Ndërsa ëndrra e dytë e preferuar e meshkujve, të cilën e kanë parë 76% e burrave të anketuar, është seksi gjatë një situate të sikletshme kur diçka shkon keq.
Ëndrra që renditet në vend të tretë për meshkujt është marrëdhënia në grup. 68% e meshkujve ëndërruan për të kryer marrëdhënie me një grua të famshme, ndërsa 59% e tyre të kryenin marrëdhënie në një vend publik. Sa i përket marrëdhënieve me një kolege, me një mikeshë apo me dikë të panjohur, për meshkujt këto ëndrra erotike renditen në vend të fundit duke zënë një përqindje të vogël. /tvklan.al
